Kuvendi i Shqipërisë miratoi mbrëmjen e kësaj të enjte marrëveshjen për sigurimet shoqëroreë midis Shqipërise dhe Italisë.
Marrëveshja kaloi me 92 vota pro dhe 0 kundër.
Ministri i Ekonomisë, Kulturës dhe Inovacionit, Blendi Gonxhja tha gjatë seancës plenare sot se takimi i parë zbatues i marrëveshjes me Italinë për njohjen e pensioneve do të zhvillohet në datat 18-20 qershor.
Nga kjo marrëveshje do të përfitojnë rreth 4 mijë shtetas italianë dhe rreth 500 mijë shqiptarë që jetojnë në vendin fqinj.
Ministri Gonxhe e cilësoi skemën e pensioneve të suksesshme, edhe pse pranoi që për shkak të sfidave të reja qeveria ka nisur punë për ndryshimin e saj.
“Pensioni sot është produkt i drejtpërdrejtë i kontributeve të paguara dhe jo i tavaneve administrative. Ndryshimet e faktorëve demografike, ekonomike e sociale sigurisht që kane ndikim ne skemën e pensioneve. Njerëzit fatmirësisht po jetojnë më gjatë, c ka kërkon më shumë financime për të paguar pensionin. Lindjet si në të gjitha vendet e zhvilluara kanë rënë. Lëvizja e lirë e punëtorëve krijon probleme me numrin e kontribuuesve. Në bashkëpunim më bankën botërore po bëjmë një studim për të parë se ku duhet të ndërhyhet në skemë”, tha Gonxhe.
Aktualisht pensioni minimal në fshat është 11 mijë lekë dhe në qytet është 17 mijë lekë dhe ky nivel i ulët është prej kohësh në qendër të betejës politike të opozitës.
