Për të dytën ditë radhazi Nju Jorku vijon të jetë nën pushtetin e reshjeve të dendura të borës, duke shkaktuar kaos trafiku dhe dëmtime në infrastrukturë.
Sipas NYT, në zonën e Buffalo janë regjistruar reshje të paprecedentë bore për muajin nëntor, të cilat në fakt vijnë relativisht herët për këtë dimër. Në dy vende matjet treguan, se brenda 48 orëve ka rënë përkatësisht 195 dhe 182 cm borë pa u ndërprerje.
Dukshmëria në shtrirje të mëdha të rrjetit rrugor është pothuajse zero, duke e bërë udhëtimin pothuajse të pamundur. Ndërkohë në Aeroportin Ndërkombëtar të Buffalo janë anuluar dhjetëra fluturime.
Paralajmërimet e motit janë në fuqi për 6 milionë njerëz që jetojnë në brigjet e Liqeneve të Mëdha në Shtetet (Erie dhe Ontario), në zonën më të madhe të Buffalo. Mesazhi është i qartë: Mos dilni nga shtëpia për asnjë arsye.
Moti i ashpër do të vazhdojë gjatë fundjavës ndërsa të enjten do të shkojmë në javën e Falenderimeve, ndërsa nga e hëna ose e marta zonat e prekura do të kthehen në normalitet.
Ndërkohë dy shtetas kanë ndërruar jetë si pasojë e problemeve në zemër teksa pastronin banesat e tyre. Autoritetet po paralajmërojnë qytetarët se puna e pastrimit është shumë e rëndë dhe sfilitëse.
