Një aksident i rëndë ka ndodhur sot në Burrel, ku 4 këmbësorë janë pëprlasur ngan jë makinë.
Mësohet se 28-vjeçari Ylber Xhepavida duke drejtuar makinën e tij, ka përplasur 4 persoant që po kalonin rrugën. Menjëherë pas aksidentit ai u arratis, por policia arriti ta lokalizonte, duek e arrestuar.
Ndërkohë, të plagosurit janë dërguar në spital, ku po marrin ndihmën e nevojshme mjekësore. Policia ka shoqëruar në komisariat edhe një tjetër person, i cili dyshohet se ka ndihmuar 28-vjeçarin të largohet nga vendi i aksidetit.
Njoftimi i policisë:
Aksidentoi 4 këmbësorë dhe u largua menjëherë nga vendi i aksidentit, lokalizohet, kapet dhe arrestohet 28-vjeçari.
Shoqërohet në Komisariat dhe një shtetas tjetër, i cili me mjetin e tij, ndihmoi të largonte nga vendi i aksidentit 28-vjeçarin.
Në vijim të informaciont paraprak, ku në vendin e quajtur ‘ish grumbullimi’, në Burrel, shtetasi Y.Xh., duke drejtuar automjetin tip “Benz”, aksidentoi 4 shtetas (këmbësorë), dhe u largua menjëherë nga vendi i aksidentit, si rezultat i veprimeve hetimore dhe intensive të kryera nga shërbimet e Policisë Rrugore në bashkëpunim me shërbimet e Komisariatit të Policisë Mat dhe shërbimet e Policisë Rrëshen, u bë i mundur lokalizimi i vendodhjes, kapja dhe arrestimi i drejtuesit të automjetit që shkaktoi aksidentin, shtetasit Y.Xh., 28 vjeç, banues në Mat.
Gjithashtu, u bë shoqërimi në Komisariat i shtetasit A.B., i cili me automjetin e tij, ndihmoi të largonte nga vendi i aksidentit shtetasin Y.Xh.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
