Një aksident i rëndë me një viktimë është regjistruar mesditen e së mërkurës pranë Kopshtit Zoologjik, në Tiranë. Raportohet se një automjet është përmbysur, teksa ka edhe persona të lënduar.
Në aksident janë përfshirë dy automjete, ku automjeti me drejtues shtetasin A. Sh. dyshohet se është përplasur me automjetin me drejtues shtetasin Y. R.
Si pasojë ka humbur jetën në vendngjarje, Arjon Shahaj, student në Akademinë e Sigurisë.
Në vendngjarje ndodhet ambulanca, si dhe forca të policisë. Grupi hetimor po punon për zbardhjen e rrethanave të aksidentit.
