Ministria shqiptare e Punëve të Jashtme thotë se nga të dhënat e para pas tërmetit shkatërrimtar që goditi Marokun nuk ka informacione për shqiptarë mes viktimave apo të lënduarve.
Tv Klan pyeti pranë Ministrisë së Jashtme e cila konfirmoi se mbetet në kontakt me autoritetet vendase për çdo shqiptar që do të kërkojë ndihmë.
Epiqendra e tërmetit të fuqishëm që goditi Marokun ishte në malet e Atlasit të Lartë të vendosur rreth 72 kilometra (44.7 milje) në jugperëndim të Marrakech, një qytet me rreth 840,000 banorë dhe një destinacion popullor turistik.
Ndërkaq numri i të vdekurve deri tani sipas autoriteteve vendase ka shkuar në 1,037.
