Në prag të 111 vjetorit të Pavarësisë së Shqipërisë, 111 nxënës mbollën në mënyrë simbolike 111 pemë në Parkun e Varrezave të Dëshmorëve. Kreu i Bashkisë së Tiranës, Erion Veliaj, i cili u bë pjesë e aksionit për mbjelljen e pemëve, tha se data të tilla duhet të na shërbejnë për t’u bashkuar.
Sot nuk kemi armiq që na pushtojnë, por pengesat më të mëdha, stërkëmbshat më të mëdhenj, i bëjmë po vetë, shqiptarë mes shqiptarësh, kur nuk gjejmë gjuhën, kur pengojmë njëri-tjetrin, kur mundohemi që partitë të dalin mbi vendin. Të mbjellësh pemë sot është më e rëndësishme! U bënë kaq vite demokraci, ende nuk vijmë dot bashkë, përtej partive politike dhe përtej ndasive partiake në Varrezat e Dëshmorëve apo në Çlirimin Tiranës. Është koha që të tejkalojmë ata persona që na mbajnë të ndarë dhe refuzojnë të pranojnë datat tona historike, që refuzojnë ta lënë vendin të ecë përpara me gjithë shpejtësinë dhe energjinë e mundshme. Do të duhet t’i lëmë pas ata, që vendi të ecë përpara.”
Veliaj ftoi të gjithë qytetarët që njëjtë si nxënësit, të japin kontributin për komunitetin e tyre.
Për mbjelljen e pemëve u zgjodh parku memorial i Varrezave të Dëshmorëve, në shenjë reflektimi për ata që kanë dhënë jetën për Shqipërinë.
